WELCOME GHOST

W W W . G H O S T . L I F E M E . N E T
 
الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخولدخول  

شاطر | 
 

 البوم انغام (كل مانقرب 2007, البوم جامد طحن وانفراااااااااا)

اذهب الى الأسفل 
كاتب الموضوعرسالة
kokowawa2007
CO-ADMIN
CO-ADMIN
avatar

ذكر
عدد الرسائل : 173
العمر : 29
تاريخ التسجيل : 11/07/2007

مُساهمةموضوع: البوم انغام (كل مانقرب 2007, البوم جامد طحن وانفراااااااااا)   الأربعاء يوليو 18, 2007 12:54 am

1- كل ما نقرب لبعض



كل ما نقرب لبعض .. كل ما يزيد .. الإشتياق
كل ما نحب اللقى .. كل ما نخاف .. مالفراق

ما بلاش .. نتعود كدا على بعض
لحسن لو ضعنا فى يوم من بعض هنضيع أوى .. و نتعب أوى
ولو مره حسينا بحنين ولقيناه صعب .. نلاقى بعض

ولا أقولك ... مش مهم الجى إيه
إحنا نتعب روحنا من دلوقتى ليه ؟
لو حتى فرقنا الوداع .. لو حتى ضعنا فى الهوا
مش بردة يا حبيبى الضياع إحساس هيجمعنا سوا ؟

ما بلاش .. نتعود كدا على بعض
لحسن لو ضعنا فى يوم من بعض هنضيع أوى .. و نتعب أوى
ولو مره حسينا بحنين ولقيناه صعب .. نلاقى بعض

كل ما نقرب لبعض .. كل ما يزيد .. الاشتياق
كل ما نحب اللقى .. كل ما نخاف .. مالفراق


2- مبتعلمش


ما بتعملش .. بغيرة القلب ما بيحلمش
ينام الليل و سهرانة فى هواه مبانمش
يروح و يغيب و ينسانى .. و لما يجيبنى من تانى
يسامحه القلب فى ثوانى كأنه ليالى متألمش
وليه .. دايما بعديلة .. وراضى القلب بقليلة
بياخد منى و اديلة .. وقلبى بحبى ما بيبخلش

ما بتعملش .. بغيرة القلب ما بيحلمش
ينام الليل و سهرانة فى هواه مبانمش
يروح و يغيب و ينسانى .. و لما يجيبنى من تانى
يسامحه القلب فى ثوانى كأنه ليالى متألمش

وليه .. بتعدى أيامى .. و تهرب منى قدامى
غرامة دا كل أحلامى .. وليه أحلامى مبتكملش

ما بتعملش .. بغيرة القلب ما بيحلمش
ينام الليل و سهرانة فى هواه مبانمش
يروح و يغيب و ينسانى .. و لما يجيبنى من تانى
يسامحه القلب فى ثوانى كأنه ليالى متألمش

ما بتعلمش


3- هتمناله الخير



هتمناله الخير .. إيه يعنى يفوتنى و ينسانى
مهو ياما إتحمل علشانى .. مهو ياما كان قلبه عليا

هتمناله الخير .. مهو قبل ما يجرحنى داوانى
كان عمرى و كان هو زمانى .. كان قلبى و روحى و عنيا

هفتكرله حجات كتير كانت ما بينا
هفتكر .. أيام هوانا .. والخطاوى اللى فى طريقنا
لما كنا .. بنقسم الفرحه فى عيونا
هفتكرله حجات كتير .. حتمناله الخير

هتمناله الخير من قلبى .. علشان يستاهل
دنا هتمنى تلف الدنيا تانى .. تانى و نتقابل

هفتكرله حجات كتير كانت ما بينا
هفتكر .. أيام هوانا .. والخطاوى اللى فى طريقنا
لما كنا .. بنقسم الفرحه فى عيونا
هفتكرله حجات كتير .. حتمناله الخير

إيه يعنى يفوتنى و ينسانى
مهو ياما إتحمل علشانى .. مهو ياما كان قلبه عليا
هتمناله الخير .. مهو قبل ما يجرحنى داوانى
كان عمرى و كان هو زمانى .. كان قلبى و روحى و عنيا

هتمناله الخير


4- الأمل



و مفيش حياة من غير أمل
و مفيش أمل من غير حياة

تقدر تقول إن الحياة .. الحياة هى الامل

كل يوم تبدأ حياة حلوة توصلنا السحاب .. نلمس أمل نلقاه سراب
يجى بعده الليل يطول .. نحلم وتوعدنا النجوم .. نبات نقوم .. نفس السراب

نفضل كدا .. عايشين كدا .. ماشيين كدا .. و مفيش طريق
غير الامل .. ايه العمل .. فين الامل .. فين الطريق

تقدر تقول إن الحياة .. الحياة هى الامل

و مفيش حياة من غير أمل
و مفيش أمل من غير حياة
تقدر تقول إن الحياة .. الحياة هى الامل

5- بغير


بغير من اللى تكلمة .. واللى كمان متكلموش
من اى حلم بتحلمة .. و انت بعينيا مشوفتهوش

بغير كتير .. لو حد بيسلم عليك
لو من بعيد فى حد جت عينه فعينيك
إن كنت عارفه ولا حتى متعرفوش

لو قابلنا ناس كتيرة .. ببقى حاسة بخوف و حيره
وأفضل اهرب من كسوفى .. لو تبان فى عينيا غيره
نفسى لو تتدارى منهم .. ولا أخبيك عن عيونهم
وأبقى عايزة أخدك و أمشى .. و أبعدك يا حبيبى عنهم

بغير كتير .. لو حد بيسلم عليك
لو من بعيد فى حد جت عينه فعينيك
إن كنت عارفه ولا حتى متعرفوش

بغير من اللى تكلمة .. واللى كمان متكلموش
من اى حلم بتحلمة .. و انت بعينيا مشوفتهوش

بغير كتير .. لو حد بيسلم عليك
لو من بعيد فى حد جت عينه فعينيك
إن كنت عارفه ولا حتى متعرفوش

6- دا اللى عندى


بتقول تعبتك .. أدينى سيبتك .. يا رب بس تكون مرتاح
بقل راحتك .. خلاص براحتك .. فى ناس تحب تعيش فى جراح

و أهو دا اللى عندى .. و عيش فى بعدى .. قلبى عمل كل اللى عليه
لا هتجينى تبكى .. ولا حتى تشكى .. عايزنى تانى أعملك إيه

وجودى جنبك .. مكنش عاجبك .. و عشان تحس بقيمتى مشيت
دور عليا .. أو حن ليا .. و أبقى إفتكرنى إنت اللى بديت

و أهو دا اللى عندى .. و عيش فى بعدى .. قلبى عمل كل اللى عليه
لا هتجينى تبكى .. ولا حتى تشكى .. عايزنى تانى أعملك إيه

7- مبحبش

مبحبش حد يشوف أى دموع فى عينيا
علشان لا أصعب عليه ولا يزعل عليا

وأضحك و كأن الضحكة بجد .. مش محتاجة طبطبة من حد
دنا لو من جوايا بنكسر .. مش عايزة فى نظر الناس أتهد

مبحبش أبان مغلوبة .. ضعيفة .. و صورتى فى نظر الناس تتهز
ولا حد يشوفنى يقول مسكينة يا عينى عليها و ملهاش حظ
وأضحك و كأن الضحكة بجد .. مش محتاجة طبطبة من حد
منا لو من جوايا بنكسر .. مش عايزة فى نظر الناس أتهد
أنا لو بنكسر من جوايا .. مش عايزة فى نظر الناس أتهد

مبحبش حد يشوف أى دموع فى عينيا
علشان لا أصعب عليه ولا يزعل عليا

8-غيرتنى


غيرتنى .. مبقتش أنا .. مبقتش أصدق أى حاجة
غيرتنى .. معقولة أنا .. بقيت بخاف من كل حاجة

هو أنت إيه .. مش برده إنسان زينا ممكن تحس
ولا إنتا إيه .. كل اللى عارفة عن الحياة تاخد و بس

غيرتنى .. مبقتش أنا .. مبقتش أصدق أى حاجة
غيرتنى .. معقولة أنا .. بقيت بخاف من كل حاجة

غيرتنى .. خليتنى أندم إنى كنت بجد بحلم أعلمك تقدر اللى ما بين إيديك
لازم تهون لما تكون إنسان ضعيف .. أيوا ضعيف .. مش قد قلبى و حبى ليك
لازم تهون لما تكون إنسان ضعيف .. مش قد قلبى إللى إشتراك

هو أنت إيه .. مش بردة إنسان زينا ممكن تحس
ولا إنتا إيه .. كل اللى عارفة عن الحياة تاخد و بس

9- أحكى لمين

أشكى لمين .. وأحكى لمين .. الدنيا بتلعب بينا
تهنا سنين .. ولا عارفين .. بكرة جايب إيه لينا

بينا .. بالفرحة بينا .. قبل الجراح ما تدق بابنا
بينا .. دى الدنيا لينا .. بكرة الزمان يسرق شبابنا

و ليه هنضيع عمرنا ليه ؟
إيه راح ناخد من دا إيه ؟
إيه راح ناخد من دا إيه

هما يومين .. مش دايمين .. مكتوبين علينا
نقضى ساعات .. فرحانين .. و ساعات بتبكينا

لينا .. الفرحة لينا .. بالحب ننسى كل اللى فاتنا
ويا الرحلة الطويلة .. ننسا اللى فات كله فى حياتنا

و ليه هنضيع عمرنا ليه ؟
إيه راح ناخد من دا إيه ؟
إيه راح ناخد من دا إيه

ضحكتنا .. شمعتنا .. بينوروا ليالينا
خطوتنا .. رحلتنا .. بتقرب أمانينا

لينا .. أحلى أمانينا .. ليه الزمان يكسر قلوبنا
بينا و مادين إيدينا .. واللى يصيبنا أهو من نصيبنا

و ليه هنضيع عمرنا ليه ؟
إيه راح ناخد من دا إيه ؟
إيه راح ناخد من دا إيه

10- الحروف

الحروف من بين شفايفك .. أحلى غنوة
كنت بحلم طول حياتى بكلمه حلوة
كلمة فيها المعنى والاحساس سوا
هى يعنى الدنيا من غير حب تسوى ؟ .. ولا يعنى الدنيا من غير حب تسوى ؟

كنت بحلم إنى أقابلك فين و إمتى ما كنت عارفة
كنت عايشة عمرى بضحك .. بس من جوايا خايفة

و اما بصيتلك عيونى .. قولت أنا دلوقتى شايفة
هى يعنى الدنيا من غير حب تسوى ؟ .. ولا يعنى الدنيا من غير حب تسوى ؟

الحروف من بين شفايفك .. أحلى غنوة
كنت بحلم طول حياتى بكلمه حلوة
كلمة فيها المعنى والاحساس سوا
هى يعنى الدنيا من غير حب تسوى ؟ .. ولا يعنى الدنيا من غير حب تسوى ؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.kokowawa.com
 
البوم انغام (كل مانقرب 2007, البوم جامد طحن وانفراااااااااا)
الرجوع الى أعلى الصفحة 
صفحة 1 من اصل 1
 مواضيع مماثلة
-
» جميع اشرطة باسم الكربلائي
» امتحان فرنساوى
» جديد جميع العاب التى تتمنه معنا نحنوا فقط من مزيكاتو
» برنامج قالب البحوث والرسائل / الإصدار 9.00 ـ وورد 2007
» حصريا البوم رامي جمال فين لياليك

صلاحيات هذا المنتدى:لاتستطيع الرد على المواضيع في هذا المنتدى
WELCOME GHOST :: ركن التسالى :: ***ركــــــــــــن الاغــــــــاني*** :: كلمات الاغاني-
انتقل الى: